Croeso i wefan Ysgol Gyfun Gymraeg Bryn Tawe. Ysgol ifanc yw Bryn Tawe, ac eisoes rydym yn ymfalchïo yn naws arbennig ein hysgol. Cymuned gyfeillgar a chlós yw Bryn Tawe. O fewn y gymuned hon rydym yn cynnig amgylchfyd sy’n cefnogi ac yn ymestyn ein pobl ifanc, ynghyd â meithrin parch a gwerthoedd ynddynt.

 Mae’n ysgol sy’n annog parch at ddysgu, tra’n datblygu o fewn pob disgybl ei ddiddordeb a’i botensial mewn meysydd megis chwaraeon, cerddoriaeth a drama, ynghyd ag ystod eang o ddiddordebau eraill.

 Mae’n ysgol lle mae pob unigolyn yn bwysig, ac mae’r bartneriaeth agos rydym wedi ei sefydlu gyda rhieni ein disgyblion yn sylfaenol bwysig, ac yn un rydym yn falch iawn ohoni. 

Ond y ffordd orau o ddod i wybod mwy am Ysgol Gyfun Gymraeg Bryn Tawe yw ymweld â’r ysgol, a phrofi’r awyrgylch gwaraidd, gweithgar a chymreig sy’n nodweddu ein hysgol.

 David Williams